Një mesazh i ardhur në adresë të ish-noteres Rezarta Koçi është bërë pjesë e hetimeve të sagës së kërcënimeve që kësaj të fundit i janë bërë.Vetëm 6 ditë më parë ish-noteres i vendosën një sasi tritoli në automjetin e saj “Range Rover”.Në momentin e shpërthimit të eksplozivit makina ishte e parkuar poshtë banesës së noteres, ndaj si pasojë u shënuan vetëm dëme materiale.
Hetimet po vijojnë për të identifikuar dhe kapur autorët, ndërkohë që është zbardhur një mesazh në instagramin e Koçit.Mesazhi ka mbërritur në ditën e lindjes së saj ku përtej ofendimeve, ish-noterja edhe kërcënohet.
“Pershendetje, edhe ditelindjen e ke per halloween sic ke fytyren, te gjitha pislleqet qe ke bere me ate te ndjerin do i lash ne kete dynja. Shkofsh ne ferr k*rve e ndyre”, shkruhet në mesazhin e dërguar nga profili me emer “bbb31_”.
I ndjeri që referohet në mesazh është Urim Pepa, i cili nuk jeton më për shkak të një aksidenti automobilistik.Pepa mësohet se ka patur një lidhje dashurie me noteren Rezarta Koçi.
Policia e ka marrë edhe këtë mesazh si provë dhe po punon për zbardhjen e ngjarjes, si dhe identifikimin e kapjen e autorëve, ku po punohet në disa pista ndër të cilat janë dhe paditë në emrin e ish-noteres.
Në korrik të vitit 2019, Rezarta Koçi është kallëzuar penalisht nga I. Ç., për shpërdorim detyre dhe mashtrim, duke pretenduar se i ka përvetësuar një shumë parash, në lidhje me një pasuri të llojit hotel. Ky shtetas, bashkë me noteren, ka kallëzuar edhe Urim Pepën.
Në maj të vitit 2021, E. N. ka kallëzuar penalisht ka kallëzuar penalisht 40-vjeçaren Rezarta Koçin për fshehje të ardhurash dhe mashtrim, duke pretenduar se i ka përvetësuar një shumë parash, për një kontratë për shitje të një pasurie të paluajtshme. Në qershor të këtij viti, një tjetër person me inicialet E. Q., ka kallëzuar penalisht Rezarta Koçin për fshehje të ardhurash, mashtrim dhe mospagim taksash, duke pretenduar gjithashtu se i ka përvetësuar një shumë të konsiderueshme parash.
Në 9 korrik të këtij viti, për Rezarta Koçin është depozituar në prokurori një tjetër kallëzim penal, sërish për mashtrim dhe përvetësim parash. Kallëzimi i fundit është bërë nga një shtetase me inicialet P. Z.
Discussion about this post