Pesë shqiptarë, katër burra dhe një grua të moshës nga 24 deri në 37 vjeç, janë arrestuar në Spanjë si pjesë e një organizate kriminale që kishte kthyer një banesë në plantacion marijuane.
Mediat spanjolle raportojnë se tre prej tyre akuzohen për kultivim dhe prodhim droge, si dhe për mashtrim me energji elektrike, ndërsa dy të tjerë akuzohen gjithashtu për falsifikim dokumentesh.
Hetimi nisi pas ankesave të banorëve për erën e fortë të marihuanës dhe lëvizjet e dyshimta në zonë. Garda Civile verifikoi se brenda banesës ishin vendosur plantacione kanabisi dhe pajisje për kultivim.
Dy nga të arrestuarit ishin përgjegjës për mirëmbajtjen e plantacionit, ndërsa të tjerët merreshin me shpërndarjen dhe shitjen e drogës. Operacioni u zhvillua nga njësitë speciale të Gardës Civile në Granadë, me mbështetjen e Shërbimit të Qenve dhe Ekipit Pegaso.
Policia konfirmoi se rezidenca e përdorur si “shtëpi bari” funksiononte si qendër e prodhimit të vazhdueshëm të marijuanës, duke furnizuar tregun me drogë.
Discussion about this post