Policia e Tiranë kla zbuluar një “vatër” prostitucioni në kryeqytet, i cili ushtrohej nga shtetase spanjolle në një apartament me qira tek “Rruga e Kavajës”.
Gjatë kontrollit të ushtruar në këtë ambient, shërbimet e Policisë kanë gjetur dhe sekuestruar shuma parash të dyshuara si të fituara nga aktiviteti kriminal, si dhe një sasi të vogël cannabis.
Policia ka vijuar hetimet për zbardhjen e plotë të ngjarjes dhe për të përcaktuar nëse ka persona të tjerë të përfshirë në këtë aktivitet të paligjshëm.
Materialet janë dërguar në Prokurorinë e Tiranës për veprime të mëtejshme
Njoftimi
“Specialistët për Hetimin e Krimeve të Komisariatit të Policisë Nr. 2 referuan materialet në Prokurori, ku nisi procedimi në gjendje të lirë për shtetaset spanjolle A. R., 26 vjeçe, B. P., 26 vjeçe, E. R., 26 vjeçe dhe S. R., 27 vjeçe, pasi u konstatuan në një apartament në rrugën e Kavajës, ku dyshohet se ushtronin prostitucion. Gjatë kontrollit në këtë ambient dhe kontrollit fizik ndaj 27-vjeçares, shërbimet e Policisë gjetën dhe sekuestruan shuma parash dhe një sasi të vogël Cannabisi.” – njofton Policia.
Discussion about this post