Një çift në Zelandën e Re së fundmi ka zbuluar pataten më të madhe në botë. Colin dhe Donna Craig-Brown po pastronin kopshtin e tyre, kur papritur pikasën një trup misterioz që ndodhej nëntokë. Fillimisht ata besuan se ishte një kërpudhë e çuditshme dhe nisën të gërmonin tokën për ta nxjerrë.
Colin menjëherë preu një copë për të verifikuar çfarë kishte gjetur dhe u kthye nga gruaja duke i thënë: “Është një dreq patateje!”
Patatja peshonte 7,8 kg dhe çifti e emërtuan me emrin “Dug”. Por teksa postimi i tyre në Facebook nisi të shpërndahej në rrjet, mbesa e tyre u dha idenë që ta çonin tek Rekordet Guinness, pasi kishte një rekord për pataten më të madhe në botë, që deri në atë kohë ishte 4,9 kg.
“Edhe pse zyrtarizimi i rekordit nuk ka mbërritur ende, ne jemi të lumtur me këtë patate, të cilën e trajtojmë si të ishte pjesë e familjes. E thyejmë apo jo rekordin, nuk ka shumë rëndësi për ne.” – thotë Colin.
Discussion about this post