Ervis Martinaj është prej kohësh në kërkim nga policia e shtetit shqiptar si drejtuesi i një nga grupeve më të mëdha kriminale në vend dhe jo vetëm. Prej disa ditësh në rrjet qarkullojnë lajme se Martinaj është ekzekutuar nga kundërshtarët dhe i është ndarë trupi në 6 pjesë. Më datën 9 gusht familjarët e tij kanë njoftuar në policinë e Kurbinit se kanë humbur plotësisht kontaktet me të. Prej më shumë se dy javësh, polica, ekspertë dhe media janë fokusuar të gjurmët e fundit që ka lënë Martinaj dhe lidhjet e tij, për të zbuluar nëse ai është gjallë, apo është vrarë.
Në shumë media është folur për origjinën e Martinajt, familjen, lidhjet me policët, rruga se si hyri në biznes dhe botën e krimit, por askush deri më sot nuk ka përmendur pasurinë marramendëse që i shumëkërkuari ka siguruar nga bota e krimit. Ka qenë sot gazetarja e njohur Anila Hoxha, e cila përmes një postimi në Facebook është ka shprehur qartë se pasuria e siguruar me rrugë të pista dhe kriminale e Ervis Martinajt arrin deri në vlerën 600 milionë euro.
“Jeton Lami, oficer policie pranë FAST ( njësia për të kapur të kërkuarit) , është njeriu më i rrezikuar në Shqipëri e po ashtu është Kutia e Pendores ku gjenden emrat e atyre shefave dhe policeve te korruptuar nga krimi i organizuar, që i shërbejnë dhe pastaj krekosen sikur po zbatojnë ligjin. Jeton Lami i arrestuar për shpërdorim detyrë mbasi u zbulua që shoqëronte dhe eksportonte të shumëkërkuarin Ervis Martinaj dhe qe llogaritet se nga bota e erret vendosi një pasuri gati 600 milionë euro , aktualisht mbahet ne burgun e Shenkollit”, shkruan gazetarja.
Nuk dihet se deri më sot as policia, as institucione të tjera përgjegjëse nuk kanë folur mbi këtë pasuri marramendëse, që ka vendosur ndër vite Martinaj. Por, gazetarja kërkon tashmë nga institucionet që një prokuror i pa ndikuar të merret me dosjen dhe të gjejë bashkëpunëtorët e tjerë të Martinajt që janë sot pjesë e Policisë së Shtetit, ashtu si Jeton Lami që u arrestua pak ditë më parë.
Discussion about this post