Garda Civile e Pina de Ebro në Spanjë ka çmontuar një plantacion me marijuanë në Fayón ku po rriteshin rreth 8,000 bimë. Tre persona me kombësi shqiptare janë arrestuar. Plantacioni, i cili ishte i vështirë për t’u aksesuar, kishte sisteme komplekse ujitjeje, gjeneratorë dhe panele diellore.
Hetimi filloi në mesin e gushtit si rezultat i hetimeve të nisura nga specialistë të Policisë Gjyqësore dhe ekipit Roca de Pina de Ebro, të cilat bënë të mundur gjetjen e plantacionit
Pas arrestimit u konstatua se në plantacion kultivoheshin 8000 bimë, të shpërndara në katër tarraca, ndërsa ishin në faza të ndryshme rritjeje. Gjithashtu, u zbuluan zona të dedikuara për tharjen e kësaj lënde, të mbuluara me tarpa, ku u gjetën edhe 400 bimë të tjera në procesin e tharjes.
Për kultivim ishte bërë një instalim vaditës që nëpërmjet pompave të ujit merrte ujin direkt nga rezervuari. Gjithashtu u zbuluan edhe panele diellore, me qëllim shfrytëzimin e katër gjeneratorëve elektrikë të gjetur në vend.
Në afërsi të makroplantacionit ndodhej një skaf me motor elektrik me të cilin kryenin lëvizjet e të arrestuarve. Po kështu, çadra dhe kabina prej pëlhure u gjetën në vende të ndryshme, me gjithçka të nevojshme për të mbijetuar për ditë të tëra.
Discussion about this post