Projekti, të cilin gjigandi i teknologjisë me bazë në SHBA, Apple e mbajti si sekret, është zbuluar.
Sipas lajmeve në Bloomberg, ora inteligjente e Apple mund t’i shpëtojë pacientët me diabet nga telashet e matjes së niveleve të sheqerit në gjak në periudhën e ardhshme.
Kompania është duke punuar në një projekt ku pacientët mund të matin nivelin e sheqerit në Apple Watch pa marrë gjak me gjilpërë.
Teknologjia do të përdorë spektroskopinë e absorbimit optik, një proces matjeje i bazuar në gjatësitë e valëve të dritës, për të përcaktuar nivelet e glukozës.
Projekti, i quajtur E5, është pjesë e Discovery Design Group të kompanisë, XDG, dhe dallohet si një nga sipërmarrjet më të fshehta të kompanisë.
Sipas Bloomberg, pak njerëz u përfshinë në projektin E5 për shkak të këtij sekreti në krahasim me iniciativën e makinave autonome të kompanisë.
E5 operonte nën një sipërmarrje të quajtur Avolonte Health LLC përpara se të transferohej te XDG.
Bloomberg raporton se selia e Avolonte është në Palo Alto, Kaliforni, pranë selisë së Apple në Cupertino, dhe anëtarët e ekipit mbajnë distinktivë Avolonte në vend të distinktivëve të Apple.
Thuhet se me këtë metodë Apple synon të fshehë lidhjet e saj me projektin edhe gjatë testeve me njerëz.
Qëllimi përfundimtar i kompanisë është të integrojë teknologjinë në Apple Watch.
Duke nënvizuar se 1 në çdo 10 njerëz në SHBA ka diabet, Bloomberg thekson se projekti ka potencialin të kthejë përmbys një industri miliona dollarëshe.
Nuk është ende e qartë se kur do të integrohet kjo teknologji në Apple Watches.
Syri
Discussion about this post