Ish-lojtari i Schalkes, Hiannick Kamba është zbuluar pas katër vitesh që është gjallë dhe tashmë mund të dënohet me 10 vite burg, pasi akuzohet se ka inskenuar vdekjen e tij.
Në 2016 ai u raportua se humbi jetën në një aksident rrugor dhe familja e tij mori 200 mijë euro nga siguracionet.
“The Sun’ raporton se nëse shpallet fajtor kongolezi dhe gruaja e tij mund të përfundojnë në burg, pasi inskenimi mendohet të jetë bërë në bashkëpunim nga të dy.
Rikujtojmë se në janar të 2016-ës ai ka shkuar në Kinshasa, kryeqyteti i Kongos, teksa më tej ka ardhur lajmi i vdekjes së tij.
Ndërsa pas 4 vitesh ai është rishfaqur në Gjermani duke punuar si teknik kimik, punë të cilën e kishte bërë më parë në 2013-ën.
Ai deklaroi se ishte marrë peng për shumë kohë dhe se nuk donte t’ia dinte për paratë që kishte marrë gruaja e tij. Ndërsa nga kjo ngjarje ata mund të përfundojnë në burg të dy./K.T/Gijotina.com
