Gavi është talenti më i ri i Barcelonës që po mahnit Europën me paraqitjet e tij. Ai shënoi golin e parë për ekipin e parë të shtunën ndaj Elchee gjithashtu dha një asist për Nicon që të shënonte golin e fitores.
Por ajo që ka rënë në sy për 17-vjeçarin spanjoll është një detaj shumë i veçantë. Gavi luan me atletet të zgjidhura. Shumë njerëz pyesin veten pse i riu nuk i lidh atletet dhe shumë kanë menduar se mund të jetë një lloj supersticioni.
Por është shumë më e thjeshtë se kaq: Pablo Martín Páez Gavira nuk di t’i lidhë atletet.
Këtë e ka zbuluar një gazetar katalanas shumë pranë Barçës, Marc Marba Prats.
“Që në fëmijëri, Gavi ka luajtur me të dyja atletet të palidhura, sepse nuk di t’i lidhë shumë mirë. Ai tashmë është mësuar të luajë kështu dhe tashmë kjo gjë nuk i intereson më”, ka thënë ai.
Nisur nga rezultatet, as Barcelona nuk duhet të shqetësohet për këtë “problem” të vogël. Megjithatë, disa shokë … po përpiqen t’i japin një dorë. Nico Gonzalez, një tjetër nga talentet e “La Masia”, në fakt ndau një foto pak kohë më parë, duke i lidhur atletet Gavit. “Koha për të mësuar”, shkruante ai krah fotos.
Discussion about this post