Edhe pse kryeministri Edi Rama ka deklaruar se policia dhe prokuroria duhet të dalin me një version zyrtar për fatin e Ervis Martinajt, ende nuk ka një të tillë nga organet ligj-zbatuese.
Deri tashmë kanë qarkulluar versione të ndryshme për fatin e tij. Disa shprehen se Martinaj është rrëmbyer dhe më pas vrarë nga kundërshtarët, kurse të tjerë thonë se zhdukja e tij është vetrëm një skenar nga vetë Ervis Martinaj.
Martinaj ka qenë në kërkim nga policia për disa vepra penale, por sidomos pas dëshmisë së Nuredin Dumanit se kishte kërkuar vrasjen e Indrit Dokles kundrejt 500 mijë euro.
Megjithatë, sipas një dokumenti të Policisë së Shtetit, ai ishte konfliktuar më herët me një person në Laç duke e rrahur dhe kanosur atë.
Në dokumentin e policisë jepen gjeneralitetet e Martinajt dhe të dhëna të tjera që bëjnë identifikimin e tij, por nuk tregohet për shembull se kush ishte personi i rrahur në tetor të vitit 2021 nga ai.
Martinaj akuzohej më 2021 për veprën penale të kanosjes dhe atë të lëndimeve me dashje.
Discussion about this post