Largimi i Lionel Messit nga Barcelona ishte lëvizja më e bujshme e kësaj merkatoje. Argjentinasi nuk donte që të largohej nga klubi ku kaloi 21 vite të jetës së tij dhe për këtë arsye pranoi edhe përgjysmim të rrogës, megjithatë si duket as ajo nuk mjaftoi për të bërë të mundur vijimësinë e tij te Blaugrana.
Në konferencën për shtyp që dha për herë të fundit te Barcelona ai ishte shumë i prekur, madje edhe qau.
Shamia me të cilën Messi fshiu lotët në konferencë u mor nga dikush, që më pas e nxori në ankand dhe shifra për të cilën ajo është shitur duket e çmendur, plot 1 milion dollarë raporton ‘Marca’.
Ndër të tjera mësohet se ajo është shitur në Buenos Aries Argjentinë, shtetin e Lionel Messit.
‘Pleshti’ tashmë është pjesë e klubit të Paris Saint-Germain dhe më datë 29 të gjithë presin debutimin e tij me skuadrën e re./Sportzona.al
