Zbulohet shtëpi bari në Dimal, 5 të shoqëruar në polici

Në fshatin Pobrat, ish-komuna Kutalli në Dimal është zbuluar në këtë mbrëmje një shtëpi bari.

Policia për këtë shtëpi bari ka shoqëruar në komisariat pesë persona.

Të shoqëruarit janë duke u marrë në pyetje. Sipas News 24, priten edhe shoqërime të tjera.

Personat e shoqëruar janë nga Fieri dhe Berati, ndërsa njëri prej tyre dyshohet se është pjesë e grupit kriminal që kutivoi kanabis në një karburant në Lushnje, tek “Pushimi i shoferit”.

Personat e shoqëruar flinin në një hotel në afërsi të Kalasë në Berat, aty ku edhe u ndaluan nga policia. Deri tani nuk ka asnjë informacion zyrtar nga forcat blu, ndërkohë që nuk dihet as sasia e drogës së sekuestruar.

Një nga të shoqëruarit për shtëpinë e barit në Dimal dyshohet se ka lidhje edhe me një sasi të lëndës narkotike të sekuestruar më herët në Lushnjë.