Zbulohet shtëpi bari në Tepelenë, shoqërohen katër persona

Policia ka ndërmarrë një aksionin në zonën e Kurveleshit në Tepelenë, pas informacioneve për prezencë kanabisi.

Mësohet se nga kontrollet është zbuluar një ambient i mbyllur, i braktisur në momentin që ka ndërhyrë policia.

Aty janë zbuluar 230 rrënjë kanabisi , ndërsa ambienti ishte i instaluar me drita për ngrohje, e përshtatur për shtëpi bari.

Policia ka shoqëruar në Komisariatin e Tepelenës 4 persona ku njeri prej tyre dyshohet se është kryesori në këtë akt ilegal.

“Si rezultat i kontrolleve dhe inteligjencës policore  shërbimet e Drejtorisë Vendore të Policisë Gjirokastër dhe shërbimet e Komisariatit të Policisë Tepelenë në bashkëpunim me shërbimet e OSHEE-së, në rrugën e fshatit Veliqot kanë zbuluar një ambient (shtëpi e pabanuar) të përshtatur me llamba që furnizoheshin me energji elektrike, për kultivim të bimëve narkotike cannabis sativa në vazo.

Grupi hetimor po vijon punën për dokumentimin e plotë të rastit. Në përfundim të veprimeve të para do ketë informcion më të detajuar”, njofton policia.

Ndërkohë shërbimet e policisë vijojnë kontrollet në terren dhe në ambientet e mbyllura.