Mësohet shuma qe grabitësit e armatosur kanë arritur të marrin në një bankë në Koplik ditën e djeshme. Sipas të dhënave paraprake, mësohet se kanë arritur të grabisin 1000 euro, 1000 dollar dhe rreth 400.000 leke ( te reja).
Grabitja me armë zjarri është regjistruar ditën e djeshme në Koplik në Malësinë e Madhe, ku tre persona të maskuar kanë grabitur një bankë të nivelit të dytë dhe më pas janë larguar.
Sipas njoftimit të policisë, grabitësit kanë djegur makinën e tyre tip “Wolswagen” dhe më pas nën kërcënimin e armës ndaj shoferit të një prej automjeteve që po kalonte në rrugë, kanë arritur të marrin një makinë tip “Benz” dhe janë larguar nga vendngjarja.
Shërbimet e Policisë janë vënë në ndjekje të autorëve duke u ndihmuar dhe nga shërbimet e Drejtorisë Vendore të Policisë Shkodër dhe grupe të FNSH Shkodër. Mësohet se janë ngritur pika kontrolli, me qëllim identifikimin dhe kapjen e autorëve.
Discussion about this post