Policia e Fierit ka vënë në pranga 4 punonjës të kompanisë “Alpetrol”, pasi akuzohen për shpërdorim detyre. Raportohet se janë arrestuar në flagrancë, A. K., 49 vjeç, kryetar i degës teknike Alpetrol, S. R., 54 vjeç, pergjegjës për mbarëvajtjen e seperatorëve dhe pompimit, D. I., 56 vjeç, dhe D. M., 54 vjeç, punonjës të task forcës në Alpetrol.
Arrestimi i këtyre 4 punonjësve erdhi pas kallëzimit nga Drejtor i Kabinetit të Alpetrol Y.S. Sipas njoftimit, të paditurit kanë vepruar në kundërshtim me urdhërin e brendshëm të Drejtorit të kompanisë Alpetrol, duke transportuar një sasi të konsiderueshme me naftë dhe ujë teknologjik të marrë në depozitat e Usojës, e cila do të injektohej në puset e Kashit. Materialet do i kalojnë për veprime të mëtejshme Prokurorisë pranë Gjykatës së Shkallës së Parë Fier për veprën penale “Shpërdorimi i detyrës”.
Discussion about this post