Erling Haland ka përfunduar prej kohësh në qendër të merkatos së shumë klubeve europiane. Norvegjezi është kërkuar vazhdimisht nga skuadra e Real Madrid por në garë për të është edhe PSG.
“Gazzetta dello Sport” shkruan se Mino Raiola do të kërkojë 50 milion euro pagë për norvegjezin.
Një shifër shumë e lartë, ndërkohë që Borussia Dortmund ka refuzuar këtë verë oferta që kapnin shifrën e 120 milion eurove dhe verën e ardhshme mund ta humbasë atë për 75 milion euro, pasi hyn në fuqi klauzola që i jep mundësinë të largohet.
Autori i 68 golave në 67 ndeshje me Borussia Dortmund mund të bëhet futbollisti me pagën më të lartë, nëse gjithçka kryhet me shifrat e raportuara nga GDS.
Babai i futbollistit ka deklaruar në vazhdimësi dëshirën për tu larguar nga Gjermania teksa me shumë mundësi ky është sezoni i fundit në “Signal Iduna Park”.
