Manchester United ka mbetur pa trajner që prej shkarkimit të Ole Gunnar Solskjaer pas humbjes 4-1 ndaj Watford të shtunën në mbrëmje.
Klubi anglez po sheh për mundësinë më të mirë, ndërsa së fundmi propozimi i ‘Djajve të Kuq’ u refuzua nga tekniku francez, Zinedine Zidane, i cili aktualisht është i lirë.
‘BBC Sport’ raporton se 49-vjeçari dëshiron të marrë drejtimin e stolit të Paris Saint-Germain ose të Kombëtares së Francës.
Mundësia e parë mund të arrihet vetëm nëse Mauricio Pochettino, i cili nuk po arrin të bindë në Paris të largohet. Madje sipas ‘Daily Mail’ argjentinasi nuk ndihet mirë aty dhe vijon ende të qëndrojë në hotel, duke mos marrë një shtëpi, ndërsa familja e tij jeton në Mbretërinë e Bashkuar.
Më tej këto media shtojnë se një mundësi shumë e arritshme duket largimi i Pochettinos nga PSG-ja në drejtim të United, ndërsa vendin e tij te parisienët pritet ta zërë Zidane.
Sipas asaj që raportojnë mediat angleze, një lëvizje: Zidane në PSG dhe Pochettino në Manchester, me shumë gjasa pritet të ndodhë në ditët e ardhshme./K.T/Gijotina.com
Discussion about this post