Greqia ka ndaluar lëvizjen e dhive dhe deleve nga fermat e tyre për të luftuar një shpërthim vdekjeprurës të “murtajës së dhive”, një sëmundje që ka prekur bagëtitë në shtetin helen.
Ministri i Bujqësisë dhe Zhvillimit Rural, Kostas Tsiaras, njoftoi ndalimin e therjes në masë të dhive dhe deleve si dhe lëvizjen për riprodhim në të gjithë vendin.
Lëvizja zgjeroi masat tashmë në fuqi në pjesë të Greqisë qendrore ku u raportua për herë të parë shpërthimi i virusit.
Virusi, i njohur gjithashtu si peste des petits ruminants (PPR), është shumë ngjitës dhe shkakton sëmundje të rënda dhe vdekje te dhitë dhe delet.
Deri më tani raportohet se virtusi nuk prek njerëzit, por mund të vrasë deri në 70% të dhive dhe deleve të infektuara.
Rreth 7,000 kafshë në tufat ku është identifikuar sëmundja janë asgjësuar deri më tani në rajonin qendror të Thesalisë.
1,200 të tjera do të vriten më vonë këtë javë, tha guvernatori rajonal Dimitris Kouretas.
“Shtrëngimi i masave të sigurisë në të gjithë vendin konsiderohet i nevojshëm për arsye parandaluese dhe synon kufizimin e përhapjes dhe zhdukjen e sëmundjes”, thuhet në një deklaratë të Ministrisë së Bujqësisë.
Sapo të zbulohet një rast, e gjithë kopeja vritet, ferma e prekur dezinfektohet dhe kafshët në zonat afër testohen për sëmundjen, në përputhje me protokollet e Bashkimit Evropian.
Discussion about this post