Pas humbjes së dy yjeve si Donnarumma dhe Calhanoglu me zero fitime, Milan rrezikon t’i ikë në të njëjtën mënyrë edhe një tjetër emër i madh.
Kessie nuk ka pranuar që të rinovojë kontratën me Milan, ndonëse ka mbetur vetëm një vit nga skadimi i saj. Ai nuk ka pranuar ofertë e klubit që nis me 5.5 milionë euro në sezon, nga 2.2 që është aktualja dhe me një shtim që i çon tre sezonet e fundit në 6.5 milionë euro.
Duket se Kessie dhe agjenti i tij nuk flasin për më pak se 6.5 milionë euro fikse plus 1 milionë euro të tjera bonus në sezon një total që shkon 8.5 milionë euro dhe nëse kuqezinjtë nuk i ofrojnë këtë shifër ai nuk do të rinovojë kontratën duke bërë që klubi i Serisë A të rrezikojë ta humbas edhe atë me parametra 0. Megjithatë situata te Milan nuk është aspak e mirë dhe ata nuk mund t’i sigurojnë një shifër të tillë lojtarit
Oferta që Kessie ka marrë nga Tottenham dhe që deri në momentin kur u zbulua nga “Repubblica” e kishte mbajtur të fshehtë ka bërë që Paolo Maldini të shpërthejë në orët e fundit ndaj lojtarit, duke arritur deri aty sa edhe ta kërcënojë: “Ose ti vendos të rinovosh me ne, ose të pret tribuna gjatë gjithë sezonit dhe mund të largohesh verën tjetër ku të duash”/Gijotina.com
