Mbrojtësi i skuadrës së Barcelonës, Samuel Umtiti ka thënë së fundmi se nuk dëshiron të largohet nga klubi katalanas.
Ai ka zhvilluar një takim me presidentin e ‘Blaugrana, Joan Laporta ka diskutuar për të ardhmen. Në një intervistë të dhënë për ‘Mundo Deportivo’, francezi tregon se çfarë bisedoi me kreun e Barçës në atë takim që vendos për vazhdimësinë.
“Kemi folur si burrat. Nuk ka qenë e lehtë, edhe pse nuk e njihja atë dhe anasjelltas, por jemi sqaruar. Ka qenë një bisedë shumë e rëndësishme për mua. Presidenti duhej ta dinte se unë nuk doja të largohesha nga klubi dhe se isha shumë mirë, dhe dëshira ime e madhe është të ndihmoja skuadrën”,-tha lojtari.
Më tej 27-vjeçari ka shtuar madje që edhe ka qarë gjatë atij takimi, duke kuptuar se sa i emocionuar ishte.
“Po është e vërtetë që kam qarë. Nuk flas shumë, por kur flas e bëj me zemër. Si ka reaguar Presidenti? Pyesni atë. Gjithsesi, më ka thënë se nëse jam mirë duhet t’i tregoj. Unë do ta bëj”, -u shpreh francezi./K.T/Gijotina.com
