Tashmë është zyrtare dhe Granit Xhaka do jetë pjesë e Arsenal edhe për plot 4 vite të tjera.
Lojtari me origjinë shqiptare ka rinovuar kontratën me klubin e tij dhe duket se ai është i lumturi me këtë vendim.
“Jam shumë i lumtur që jam sërish këtu. Kam nënshkruar një kontratë të re dhe dua të rikthej besimin në klub dhe te tifozët. Ata e dinë shumë mirë se unë do të jap gjithçka në çdo ndeshje dhe çdo seancë stërvitore”,- u shpreh 28-vjeçari në një intervistë për mediat angleze.
Rikujtojmë që kapiteni i kombëtares zviceriane u kërkua gjatë kësaj merkatoje shumë nga trajneri i Romës, Mourinho dhe kalimi në Seria A u duk shumë i afërt, megjithatë në fund Xhaka vendosi të zgjasë qëndrimin në klubin e ‘The Gunners’ deri në vitin 2025./Gijotina.com
