“Zbuluan” Ervis Martinajn që gjendej në Meksikë/ Reagon ashpër personi që u bë viral në rrjet

Ervis Martinaj tashmë është kthyer në një mit, dhe në disa media dhe në rrjet qarkulloi një tjetër “fake news”.

Në rrjet qarkulloi me shpejtësi një foto në rrjetet sociale ku pretendohej se ishte Ervis Martinaj, ndërsa lajmi është përgënjeshtruar.

Së fundmi është vetë personi (që pretendohej se ishte Vis Martinaj) që ka reaguar në rrjetet sociale. Ai përgënjeshtron gjithçka, teksa kjo dallohet dhe në një hulumtim të shpejtë në Instagramin e tij personal, ku vërehet që nuk kemi të bëjmë me bosin e lojërave të fatit, Ervis Martinajn.

“Foto e fundit e Vis Martinajt, ish bosi i bixhozit në Meksikë? Bastarda mediash shqiptare. Llum ose kazon plenash mediatik jeni. Mir jua ka thon ai i gjati. Ju kopilat e ndyrë që përdorni imazhin e tjerëve pa lidhje për ca klikime më shumë”, shkruan personi që pretenduan se ishte Ervis Martinaj.

Kujtojmë se Martinaj vijon ende të jetë një ndër personazhet e botës së krimit më të shumëkërkuar nga autoritetet policore, ndërkohë që fati i tij mbetet ende mister, pasi ka dyshime që mund të jetë eliminuar.