Zbutet Putin? Thotë se është gati për mrrëveshje me Ukrainën

“Në një moment të caktuar do të na duhet të arrijmë një marrëveshje”, tha sot presidenti rus Vladimir Putin.

Deklarata mund të interpretohet si një hap drejt një zgjidhjeje të ardhshme diplomatike të krizës ukrainase. Por nga ana tjetër, presidenti rus pretendoi se Perëndimi kishte “mashtruar” Rusinë në të kaluarën dhe se tani ekziston një mosbesim i thellë mes vendeve.

Vladimir Putin sulmoi në mënyrë specifike Francën dhe Gjermaninë, të cilat morën pjesë në negocimin e marrëveshjeve të armëpushimit të Minskut midis separatistëve rusishtfolës dhe Ukrainës vite më parë, dhe tani po dërgojnë sisteme armësh në Ukrainë.

Megjithatë, sa i përket këtyre garancive të sigurisë, ka ende një hendek midis të gjitha palëve të përfshira drejtpërdrejt dhe indirekt.

Duke iu referuar konkretisht SHBA-së, presidenti rus pohoi se ka kontakte mes shërbimeve të dy vendeve, Rusisë dhe Shteteve të Bashkuara, të cilat do të vazhdojnë.