Deputetja e cila me zor arriti të siguronte mandatin në zgjedhjet e 11 Majit, Zegjine Caushi ka replikuar me deputetin Klevis Balliu gjatë seancës së sotme plenare në Kuvend.
Teksa Balliu po e cilësonte administratën si të korruptuar dhe akuzonte Ballukun për tenderin abuziv të tunelit të Llogarasë, Caushi i doli menjëherë në mbrojte zv.ministres e cila vetë nuk u paraqit në seancë për të dhënë llogari.
“Ta quash administratë europiane, duhet të jesh i çmendur. Kërkoni ndjesë, administrata vetëm ka vjedhur. Nuk është administratë, por organizatë e mirëfilltë kriminale. Vetëm me një firmë Balluku vodhi 50 mln euro nga taksat e shqiptarëve”, tha Balliu gjatë fjalës së tij.
Menjëherë pas tij fjalën e ka marrë Caushi e cila jo vetëm i ka dalë në mbrojtje Ballukut, por edhe ka folur me fjalët e kësaj të fundit, duke e cilësuar Balliun si “bukurosh” ashtu sikurse Balluku. “Si mund të dalë një bukurosh këtu dhe të na flasë për administratën.
Ti je i fundit që mund të dalësh këtu dhe të flasësh… më dëgjo bukurosh më dëgjo se do të rifreskoj memorien ty dhe kolegëve. Ti përveç se vjen nga një fis i bukur, vjen dhe nga një familje hajdutësh, hajdutësh rrugësh madje, dhe vjen dhe bërtet se mendon se si ti bëjnë të gjithë”,- ka thënë Caushi.
Discussion about this post