Zegjine Çaushi, kandidatja e Partisë Socialiste në Roskovec është kallëzuar në Komisionin Qendror të Zgjedhjeve për përdorimin e aseteve shtetërore në fushatën zgjedhore.
Denoncimi është bërë nga Qëndresa Qytetare, pasi Zegjine Çaushi është fotografuar duke kryer fushatë brenda ambienteve të shkollës 9-vjeçare “Rramen Dashi” në Arapaj.
Zegjine Çaushi, edhe pse 26 vjeçe, është bërë e njohuar pasi është promovuar nga mediat pranë Qeverisë për videot e saj me tekste qesharake ku ajo vë në lojë kundërshtarin e drejtpërdrejtë të Belinda Ballukut, Gazment Bardhin.
Gjithashtu, KQZ ka njoftuar se ka nisur procedimin administrativ edhe për ministrin e Brendshëm, Ervin Hoxha, i cili po ashtu është denoncuar nga Qëndresa Qytetare, pasi u filmua në Tiranë teksa shpërndante një kuti me fletushka për zgjedhjet parlamentare, duke përdorur makinën zyrtare.
Discussion about this post