Sfidat e radhës të Kategorisë Superiore janë mbyllur me fitore për Skënderbeun dhe Vllazninë.
Skendërbeu kaloi në avantazh në pjesën e dytë me anë të Mensah në përballjen kundër Egnatias . Dhe nuk vonoi as goli i dytë. Ishte Elvi Berisha ai që shënoi golin e sigurisë për korçarët, që tashmë janë në vendin e tetë me 11 pikë. Kështu Zekirija Ramadani e nis me humbje sfidën e tij të parë si trajner i rrogozhinasve.
E veçanta e kësaj sfide ishte se zëvendësimi i parë nuk ishte për asnjë nga skuadrat, por ishte për ekipin e gjyqtarëve. Kryesoi Eldorian Hamiti la fushën e lojës për një moment, pasi pati një problem muskulor dhe u zëvendësua nga arbitri i katërt, Ardian Beqiraj. Lezhiani u kthye pak më vonë, pasi nuk kishte asnjë dëmtim serioz.
Në sfidën tjetër, Vllaznia kaloi në avantazh që në pjesën e parë me Liridon Latifin dhe rezultati mbeti i pandryshuar deri në fund. Shkodranët e kanë mbyllur ndeshjen me 10 lojtarë, pasi Krymi u ndëshkua me të kuq. Me këtë fitore Vllaznia mban vendin e tretë me 20 pikë.
Discussion about this post