Zekerija Ramadani këtë ,mbrëmje shijoi fitoren e parë si trajner i Egnatias.
Ekipi nga Rrogozhina triumfoi 1-2 në “Elbasan Arena” kundër Teutës.
Trajneri Zekirija ndihet i lumtur për fitoren e skuadrës tij ku u shpreh pas takimit:
“Pritnim fitore edhe më herët, në çdo takim jemi futur për ta marrë maksimumin. Fitore që na jep qetësi, por jo komoditet. T’i bëjmë pushimet siç duhet, të pushojë edhe truri i lojtarëve, pasi presioni i rezultateve ka ndikuar.
Dhamë maksimumin, kishim edhe pak fat. Uroj futbollistët për angazhimin dhe fitoren. Kisha frikë vetëm pankinën, pasi kishim pak alternativa dhe lodhja do ndikonte që të bënim ndërrime të tjera.
Linja mbrojtëse funksionoi jashtë mase mirë. Ishim afër njëri-tjetrit, do përmirësohej gabimi nga tjetri nëse dikush gabonte. Na bëri të kishim njëfarë sigurie, pasi jemi ndëshkuar nga mos përqendrimi në ndeshjet e fundit.
Trajneri i vitit 2021 në Shqipëri? Në Kosovë shpallet ai që del kampion… ”, përfundoi trajneri i skuadrës nga Rrogozhina.
Discussion about this post