Zelanda e Re planifikon të ndalojë duhanin në gjeneratën e ardhshme duke zbatuar një nga masat më të rrepta në botë për përdorimin e duhanit. Sipas ligjit, i cili parashikohet të miratohet vitin e ardhshëm, të gjithë të lindurit pas vitit 2008 do t’i ndalohet të pijë duhan përjetë. Nga viti 2027, shitja e cigareve për çdo 14 vjeç e poshtë do të jetë e paligjshme. Kjo do të thotë se në vitin 2073 një 60-vjeçari i ndalohet të blejë cigare, ndërsa një 61-vjeçari mund. Ministri i Shëndetësisë u shpreh se ky ligj bëhet që adoleshentët të mos mund të pinë kurrë duhan.
“Ne duam të sigurohemi që adoleshentët të mos fillojnë kurrë të pinë duhan ”, tha Ayesha Verall .
Zelanda e Re synon të ulë shkallën e duhanpirësve në vend në 5 për qind deri në vitin 2025. Rreth 13 për qind e popullsisë së rritur aktualisht pi duhan. Plani është kritikuar nga disa parti. Partia Act ka argumentuar se ulja e nikotinës në produkte do të godasë më shumë njerëzit me të ardhura më të ulëta, të cilët do të duhet të blejnë më shumë cigare dhe të pinë më shumë për të hyrë në të njëjtën dozë. Verrall tha se nivelet shumë të ulëta të kërkuara nga ligjet ishin hulumtuar dhe provuar se i ndihmonin njerëzit ta lënë duhanin.
Discussion about this post