Presidenti i Ukrainës nuk i fshehu zemërimin ndaj Bashkimit Europian lidhur me sulmin e ashpër që Rusia po i bën vendit të tij, ndërsa Perëndimi është mjaftuar vetëm me sanksione ndaj Rusisë.
Kreu i shteti tha se liderët e 27 vendeve anëtarë të BE kanë frikë për të integruar Ukrainën në NATO. Madje, ata vetë kishin frikë t’i jepnin një përgjigje të prerë.
Zelenski shprehet më tej se Perëndimi e la vetëm Ukrainën të përballej me Rusinë, ndërsa theksoi se askush nuk mbarë bota nuk është në gjendje të luftojë për të mbrojtur Ukrainën.
“I pyeta se a ishin me ne. Ata mu përgjigjën se janë me ne, por nuk duan të na përfshijnë në NATO. I pyeta të 27 liderët e BE nëse duan që të na integrojnë në NATO, kishin frikë të përgjigjeshin. U lamë vetëm. Kush është gati të luftojë për ne? Sinqerisht nuk shoh askënd. Kush është gati t’i japë garanci Ukrainës për integrimin në NATO? Sinqerisht e them, ata kanë frikë”, deklaroi Zelenski.
Zelensky shton se nuk është tepër vonë për të ndaluar “agresionin” rus nëse liderët evropianë veprojnë me shpejtësi dhe u bën thirrje qytetarëve në mbarë BE-në të protestojnë dhe të detyrojnë qeveritë e tyre në veprime më vendimtare.
Discussion about this post