Në fjalën e tij të drejtuar popullit të Ukrainës gjatë natës, presidenti Zelensky deklaroi se vendimi i Rusisë për të ndaluar furnizimet me gaz për Poloninë dhe Bullgarinë tregoi se “askush në Europë nuk mund të shpresojë të mbajë ndonjë bashkëpunim normal ekonomik me Rusinë”.
“Rusia nuk e konsideron vetëm gazin, por çdo tregti si armë. Ajo është vetëm duke pritur momentin kur mund të përdoret një ose një zonë tjetër tregtare,” tha ai.
Zelensky shtoi se Rusia “e sheh një Europë të bashkuar si një qëllim” dhe sa më shpejt të gjithë në kontinentin europian të bien dakord se nuk mund të varen nga Rusia për tregti, aq më shpejt do të ketë qendrueshmëri.
Presidenti ukrainas gjithashtu ka përshëndetur një marrëveshje me BE-në për të pezulluar detyrimet dhe kuotat mbi eksportet e Ukrainës, duke thënë se Rusia dëshiron të krijojë kaos në tregjet globale, veçanërisht për ushqimin.
“Eksportet ukrainase do të ndihmojnë në stabilizimin e tregjeve dhe do të mbështesin ekonominë e vendit gjatë krizës,” shtoi ai.
Discussion about this post