Presidenti ukrainas Volodymyr Zelensky ka reaguar sërish për situatën e rëndë që po përjeton Ukraina në përballjen me Rusinë, teksa tha se tani është “momenti vendimtar” për të vendosur për anëtarësimin e vendit në Bashkimin Europian.
“Është një moment vendimtar për të mbyllur një herë e përgjithmonë diskutimin e gjatë dhe për të vendosur për anëtarësimin e Ukrainës në BE”, u shpreh ai në Twitter.
Në orët e para të mëngjesit ndërsa vazhdonte beteja për Kievin, Zelensky postoi një video prej 40 sekondash me titullin: “Mos u besoni lajmeve të rreme.” Kjo pas lajmeve se ai do të dorëzohet para Rusisë.
“Unë jam këtu. Ne nuk do ti ulim armët. Ne do të mbrojmë vendin tonë, sepse arma jonë është e vërteta, dhe e vërteta është se kjo është toka jonë, vendi ynë, fëmijët tanë dhe ne do t’i mbrojmë të gjithë. Kjo është gjithçka që dua t’ju them. Lavdi Ukrainës,” shtoi ai.
Presidenti ukrainas tha gjithashtu se kishte zhvilluar një bisedë telefonike me Macron dhe Von der Leyn, rreth krizës në Ukrainë dhe ndihmës së BE-së, ku këta të fundit i premtuan ndihmë me municione por asnjë ndërhyrje ushtarake.
Discussion about this post