Kuvendi i Shqipërisë do të zhvillojë sot një seancë të posaçme plenare, pasi pjesë e tij do të jetë edhe presidenti ukrainas Volodymyr Zelensky. Mësohet se, Zelensky do të përcjellë në parlamentin shqiptar mesazhin e tij para ligjvënësve shqiptarë, nëpërmjet një video -call. Seanca dedikuar luftës në Ukrainë dhe suportit ndaj saj do të mbahet në orën 13:00. Sipas të dhënave, presidenti ukrainas pritet të informojë deputetët shqiptarë lidhur me situatën në Ukrainë dhe të shprehë mirënjohjen për mbështetjen e Shqipërisë.
Presidenti edhe më parë i është drejtuar disa parlamenteve evropiane përmes video- thirrjeve. Përmes këtyre video thirrjeve, Zelensky kishte kërkuar që shtetet evropiane të sanksionin Rusinë si dhe kishte kërkuar anëtarësim të përshpejtuar në NATO dhe në Bashkim Evropian. Forcat ruse kanë nisur sulmet në Ukrainë mëngjesin e 24 shkurtit, me urdhër të presidentit rus, Vladimir Putin.
Discussion about this post