Presidenti ukrainas Volodymyr Zelensky i kërkoi papa Françeskut ndihmën e tij për të siguruar lirimin e ukrainasve të mbajtur rob nga Rusia – gjatë një takimi sot në Vatikan, sipas Reuters.
Zelensky, i cili po viziton kryeqytetet e mëdha evropiane për të diskutuar “planin e fitores” së tij të propozuar për luftën me Rusinë, tha se kishte ftuar gjithashtu Vatikanin të merrte pjesë në një konferencë për të burgosurit e luftës, që do të zhvillohet këtë muaj, në Kanada.
“Ne kërkojmë ndihmën e Selisë së Shenjtë për të ndihmuar në kthimin e ukrainasve që janë kapur rob nga forcat ruse”, tha Zelensky.
Rusia aneksoi gadishullin e Krimesë në Detin e Zi në mars 2014. Një muaj më vonë, luftimet shpërthyen në Ukrainën lindore dhe konflikti që atëherë ka shkaktuar vdekjen e më shumë se 13 000 njerëz dhe ka zhvendosur më shumë se 1 milion.
Papa Françesku, kreu 83-vjeçar i Kishës Katolike Romake, ka shprehur disa herë shpresën për fundin e konfliktit.
Ai bëri një lutje përpara samitit kyç ku merrnin pjesë Zelensky dhe presidenti rus Vladimir Putin në Paris në dhjetor 2019.
Papa gjithashtu bëri thirrje për paqe në Ukrainën lindore në mesazhin e tij të Krishtlindjes.
Discussion about this post