Presidenti i Ukrainës Volodymyr Zelensky thotë se shembulli i Yevgeny Prigozhin, liderit mercenar rus që vdiq në një aksident ajror muajin e kaluar, tregon se çfarë ndodh kur përpiqeni të bëni një marrëveshje me presidentin rus Vladimir Putin.
Kundërofensiva e Ukrainës deri më tani ka rezultuar gjysmë-pozitive, por Zelensky deklaroi për mediat ndërkombëtare se hodhi poshtë sugjerimet se ishte koha për të negociuar paqen me Kremlinin.
“Kur doni të keni një kompromis ose një dialog me dikë, nuk mund ta bëni atë me një gënjeshtar”, theksoi Zelensky.
Udhëheqësi i Ukrainës vuri në dukje shembuj të vendeve të tjera që janë sulmuar nga ushtarët rusë dhe vazhdojnë të jenë pjesërisht të pushtuara nga Moska, si mbështetje për pozicionin e tij.
“A keni parë ndonjë kompromis nga Putini për çështje të tjera? Me Gjeorgjinë ? Me Moldavinë?”, pyeti Zelensky në mënyrë retorike.
Discussion about this post