Presidenti i Ukrainës, Volodymyr Zelensky, ka reaguar ndaj raportimeve të Washington Post, sipas të cilave Presidenti rus Vladimir Putin i ka thënë Donald Trump-it se dëshiron që Kievi të lëshojë Donetskun.
Në një postim në platformën X, Zelensky thekson se paqja nuk mund të arrihet me fjalë, por përmes presionit dhe veprimit konkret ndërkombëtar.
“Putini nuk mund të ndalet me fjalë: nevojitet presion. Bota e sheh që Rusia përgjigjet me forcë, që do të thotë se paqja përmes forcës mund të funksionojë,” – shkroi Presidenti ukrainas.
Zelensky theksoi gjithashtu se Ukraina nuk do të ofrojë kurrë shpërblime për krimet e Rusisë dhe u bëri thirrje aleatëve perëndimorë për mbështetje të palëkundur në ruajtjen e këtij qëndrimi.
“Ukraina nuk do t’u japë kurrë terroristëve asnjë shpërblim për krimet e tyre dhe ne mbështetemi te partnerët tanë për ta mbajtur këtë qëndrim.Nevojiten hapa vendimtarë nga Shtetet e Bashkuara, Evropa, G20 dhe vendet e G7. Jetët duhet të mbrohen”, përfundoi Zelensky.
Discussion about this post