Pas vizitës së kryeministrit britanik, Boris Johnson, presidenti ukrainas Volodymyr Zelensky i ka kërkuar presidentit amerikan Joe Biden të vizitojë Ukrainën.
“Unë mendoj se po. Por është vendimi i tij, natyrisht, dhe kjo varet nga situata e sigurisë. Por unë mendoj se ai është lideri i Shteteve të Bashkuara dhe kjo është arsyeja pse ai duhet të vijë këtu për të pare se çfarë po ndodh”, tha Zelensky kur u pyet nëse ai ishte në dijeni të ndonjë plani gjatë një interviste me CNN.
Biden u tha gazetarëve të enjten se SHBA do të vendoste së shpejti nëse do të dërgonte një zyrtar të lartë në Ukrainë si një shenjë mbështetjeje, por burimet sugjeruan për Reuters se administrata po mendonte të dërgonte sekretarin e mbrojtjes Lloyd Austin ose sekretarin e shtetit Antony Blinken.
Deklarata e Zelensky erdhi pasi kryeministri britanik Boris Johnson vizitoi Kievin fundjavën e kaluar. Të premten, sekretarja e shtypit e Shtëpisë së Bardhë, Jen Psaki, tha në një intervistë se Biden nuk kishte planifikuar asnjë vizitë në Ukrainë.
Discussion about this post