Presidenti i Ukrainës, Volodymyr Zelensky, e ka shkarkuar nga detyra komandantin e përgjithshëm të forcave të armatosura të vendit, Valerii Zaluzhnyi, raporton BBC-ja.
Ky vendim erdhi pas spekulimeve për një përçarje mes presidentit dhe gjeneralit Zaluzhnyi, që ka udhëhequr përpjekjet e Ukrainës ndaj agresionit rus.
Gjenerali Oleksandr Syrskyi mori postin e komandantit të përgjithshëm me dekret presidencial.
Ky vendim shënon ndryshimin më të madh në udhëheqjen e ushtrisë ukrainase, qëkur nisi agresioni i Rusisë në shkurtin e 2022-s.
Zelensky ka shtuar se komanda e lartë duhet të rikonstruktohet dhe gjenerali Zaluzhnyi “mund të mbetet në ekip”.
“Duke nisur nga sot, një ekip i ri drejtues do të marrë drejtimin e Forcave të Armatosura”, ka thënë Zelensky.
Ai ka shtuar se me komandantin e emëruar ka pasur një bisedë të sinqertë mbi ndryshimet e nevojshme në ushtri.
Discussion about this post