Punimet e stadiumit të Kukësit “Zeqir Ymeri” janë drejt përfundimit dhe tashmë rikthimi i Verilindorëve në shtëpi është shumë i afërt.
Në një postim në rrjetet sociale, klubi i Kukësit bën me dije se data e inaugurimit do të jetë 15 tetori.
“Punimet në stadiumin “Zeqir Ymeri” po shkojnë drejt përfundimit. Gjatë ditëve të fundit, ka nisur edhe vendosja e stolave të cilët janë në ngjyrën blu, ashtu si ngjyra e Kukësit. Ditët në vazhdim, do të vijë edhe tapeti i cili do të jetë 100% natyral, teksa cilësia e tapetit do të jetë e lartë, në mënyrë që të përballojë kushtet klimatike në Kukës. Inagurimi i stadiumit të ri, do të jetë në datën 15 tetor pasi punimet janë drejt përfundimit.”- shkruhet në postimin e Verilindorëve.
Ndërsa rikujtojmë se skuadra e Kukësit ka rreth tre sezoni pa shtëpi dhe ka luajtur në stadiume të tjerë./K.T/Gijotina.com
