Për Spiropalin nuk është çudi fakti që Gjiknuri zëvendësoi Ballën si Sekretar i Përgjithshëm i PS.
Në një intervistë për mediat, Spiropali tha se PS nuk e ka marrë lehtshëm mandatin e tretë, por po përgatitet për një sfidë të madhe.
Ndërsa sa i përketë prezencës së lartë të grave në qeveri, ajo tha se mbështet vendimin e kryeministrit duke theksuar se ato e marrin përgjegjësinë, bëjnë punën, madje shumë më mirë se disa burra që kanë përgjegjësi.
“Nuk është çudi. Janë ndarë përgjegjësitë. Kryetar grupi parlamentar është detyrë nga më të rëndësishmet, sidomos që tani me parlamentin e ri. Sekretari ka punë partiake, kërkon angazhim gjatë gjithë ditës. Po përgatitemi për sfidë të madhe në mandatin e ri, nuk e kemi marrë lehtë. Ashtu si disa nga ministrat që kanë ndryshuar pozicionet nuk janë shkarkuar. Janë disa punë që duhet ti bëjmë dhe ti bëjmë mirë, besimi i qytetarëve nuk duhet nëpërkëmbur. Punët nuk duhen bërë vetëm në funksion të qytetarëve, por edhe të një qeverisjeje të mirë.
Është lajm i jashtëzakonshëm jo vetëm brenda vendit, por dhe jashtë, është bërë edhe lajm. Shqipëria jep një shembull të barazisë gjinore, duhet të jetë krenari, arritje e Shqipërisë. Sa i takon detyrave, gratë kanë treguar në qeveri, në Kuvend. Gratë kanë treguar se marrin përgjegjësi, punën e bëjnë, madje shumë më mirë se disa burra që janë ngarkuar me përgjegjësi. Është lajm shumë i mirë” – është shprehur Spiropali.
