Shkarkimi i Ole Gunnar Solskjaer nga stoli i Manchester United është duke trazuar edhe klubin e Paris Saint-Germain.
Këta të fundit nuk janë të kënaqur nga puna e trajnerit të tyre, Mauricio Pochettinos dhe ka kohë tashmë që mediat franceze shkruajnë për largimin e argjentinasit.
Megjithatë as ky i fundit nuk e ka gjetur veten te parisienët dhe stoli i United duket si një mundësi e artë për teknikun.
‘Le 10sport.com’ raporton se shkarkimi i Pochettinos tashmë është shumë i afërt dhe në të njëjtën kohë emërimi i Zinedine Zidanes në vendin e tij, madje shton se diskutimet mes tyre kanë filluar tashmë.
Më tej bazuar raportimeve të ‘ESPN’, Zidane mund të tundohet nga një ofertë e PSG-së dhe shumë shpejt mund ta shohim në krye të stolit të francezëve./K.T/Gijotina.com
Discussion about this post