Zëvendëskryeministrja Belinda Balluku paraqitet në SPAK

Zëvendëskryeministrja dhe ministrja e Infrastrukturës dhe Energjisë, Belinda Balluku është paraqitur sot në SPAK.

Mësohet se Balluku po pyetet nga oficerët e Byrosë Kombëtare të Hetimit.

Ende nuk dihet se pse ministrja është thirrur në SPAK, ndërkohë që vartës të saj të rëndësishëm ose janë në burg ose janë nën hetim për abuzimet me tenderat dhe fondet publike.

Po ashtu, bëhet e ditur se Balluku është thirrur në SPAK për të dhënë sqarime edhe për inceneratorët si person që ka dijeni.

Kujtojmë që pak kohë më parë përfundoi në pranga krahu i saj i djathë, ish kreu i ARRSH, Evis Berberi.

Evis Berberi bashkë me dy biznesmenë, miq të tij, ka përfunduan në qeli, pas një kontrolli blic në banesë ku i janë gjetur shuma parash dhe piktura me vlerë disa mijëra euro.

Në njoftimin e SPAK për këtë çështje, thuhet se “Ervis Berberi, fillimisht në cilësinë e ish Drejtorit të Përgjithshëm për Efiçencën e Energjisë, më pas në cilësinë e Drejtorit të Përgjithshëm të Autoritetit Rrugor Shqiptar, ka kërkuar, ka pranuar dhe ka marrë nga shoqëria “N……. Group”,sh.p.k., (që është përfituesi i prokurimeve publike të zhvilluara gjatë kohës kur shtetasi E. B. ishte titullar i autoritetit kontraktor), përfitime të parregullta monetare të marra në mënyrë të tërthortë, nëpërmjet shoqërisë “D……. sh.p.k., të kontrolluar prej tij”

Për të kryer transferimin e parave, Berberi ka përdorur kompanitë e dy miqve të tij biznesmenë Valter Begaj dhe Ervis Lame, të cilët janë arrestuar bashkë me të për akuzat e korrupsionit dhe pastrimin e parave.