Seanca e sotme plenare në Kuvend ka nisur me betimin e dy deputetëve të rinj, demokrati Andrea Mano, i cili do të zëvendësojë Ervin Salianjin në Qarkun e Korçës dhe Erjon Meka, i cili do të zëvendësojë Jurgis Çyrbjan në Qarkun e Durrësit.
Ervin Salianjit iu hoq mandati, pasi u burgos nga Gjykata e Apelit për shkak se i prishi imazhin Qeverisë duke denoncuar Geron Xhafajn, vëllain trafikant droge të ish-ministrit Fatmir Xhafaj.
Ndërsa, Jurgis Çyrbja dorëzoi mandatin para se të arrestohej nga SPAK, pasi nga bisedat e aplikacionit “Sky Ecc” u zbulua se bashkëpunonte me personazhe të krimit të organizuar në qytetin e Durrësit, duke i ndihmuar që t’i shpëtonin drejtësisë, kurse atë e shpërblenin duke e vendosur të tretin në listën e kandidatëve për deputet të PS-së.
Andrea Mano i rikthehet politikës aktive pas tre vitesh, pasi dha dorëheqjen nga posti i kryetarit të degës së PD-së në Korçë pas humbjes së zgjedhjeve parlamentare të vitit 2021.
Discussion about this post