Gjykata e Posaçme e Shkallës së Parë për Korrupsionin dhe Krimin e Organizuar, me kërkesë të SPAK ka zgjatur edhe më 3 hetimet për laboratorin e drogës në Fier.
Organi i Akuzës është në pritje të letërporosive nga Kolumbia, të cilat akoma nuk kanë mbërritur në vendin tonë dhe për këtë arsye është detyruar t’i kërkoj gjykatës zgjatje hetimesh edhe me 3 muaj.
Ne fshatin Frakull të Fierit u sollën rreth 430 kg kokainë e perzier me pleh kimik.
Për këtë çështje, SPAK ka firmos 15 urdhër-arreste, ndërkohë janë arrestuar 10 persona.
Laboratori do të ngrihej në banesën e ish-kryetarit të komunes Frakull, Viktor Çervanaku. Ndërkohë porosia ishte bërë në emër të vëllait të tij Zenel Çervanaku.
Në kërkim është edhe shtatasi kolumbian, i cili kishte mbërritur në vendin tonë për të bërë ndarjen e kokainës nga plehu kimik, proces që shqiptarët nuk mund ta bënin dot.
Discussion about this post