Zgjatja e afateve të organeve të vetingut, e cila kërkohet intensivisht edhe nga faktori ndërkombëtar, nesër do të vendoset në seancën plenare. Teksa nesër në Kuvend pritet të votojë zgjatja e mandatit të organeve të vetingut, Partia Demokratike është ende e paqartë në qëndrimin që do të mbajë. Burime pranë selisë blu, thanë që Basha u ka dërguar mesazh deputeteve te PD ku u bën thirrje se do të ketë mbledhje dhe do te vendoset edhe si do votojnë për vetingun.
Nga ana tjetër Partia Socialiste është shprehur pro zgjatjes së afateve të organeve të drejtësisë. Ndërsa Berisha dhe disa deputet që mbështesin atë, janë shprehur kundër zgjatjes së afateve të vetingut. Këtë qëndrim së fundi e ka shprehur edhe deputeti demokrat i pozicionuar me ish-kryeministrin Sali Berisha, ku është shprehur se çdo votë për pro i shërben Ramës.
Kujtojmë se ditën e djeshme ambasada e Shteteve të Bashkuara të Amerikës dhe ambasada e Bashkimit Europian, kanë dalë me një deklaratë të përbashkët, ku u bëjnë thirrje partive politike që të votojnë zgjatjen e vetingut. Kjo deklaratë është mbështetur edhe nga ambasadori i Britanisë së Madhe dhe ai i Italisë.
Discussion about this post