Zgjatja e mandatit të KPK është një kriter dhe jo një kërkesë e Partisë Socialiste.
Kryeministri Rama ka komentuar zgjatjen e mandatit të organeve të vettingut, ku ka bërë me dije se nuk ishte një vendim i marrë vetëm nga socialistët. Sipas tij ishte një kriter i BE-së dhe SHBA-ve, të cilit do t’i shkojë deri në fund.
“PD bën shumë gabim, sepse zgjatja e mandatit të KPK nuk është në programin e PS si një nga pikat që PS ka një qëndrim të vetin, por për reformën në drejtësi ku ne jemi një nga aktorët, ku janë të përfshirë, BE, SHBA, PS dhe opozita. Nismat e sjella nga PD, janë vetëm të saj, dhe për nismat e PD mund të diskutojmë, për nismat që lidhen në një reformë dhe jemi katër dhe ata të katërt nuk janë Mediu dhe Ndoka, por SHBA dhe BE nuk mund të thuhet që kjo është kusht për këtë, se janë pa lidhje njëra tjetrën. Nuk ia kërkoj PD-së, zgjatjen e kërkon interesi kombëtar dhe interesi publik i vendit, nuk ia kërkoj unë“, tha Rama.
Me opozitën do të diskutohet gjithçka, por në këtë rast ajo nuk mund të ndodhte për faktin se duhej dakordësi e plotë.
“Sepse duhet të kishim dakordësi të plotë me të gjithë,se nuk ishte në axhendën e ditës e shtruar me partnerët, çdo gjë që bëhet për reformën në Drejtësi nuk e bëjmë ne me PD, por ne me PD, herë po herë jo dhe SHBA-BE”, tha ndër të tjera kryeministri.
Discussion about this post