Ministri i Drejtësisë, Ulsi Manja,ka surprizuar me qëndrimin e tij ndaj kërkesës së SPAK për mandatet e pakufizuar të prokurorëve të kësaj strukture.Sipas Manjat, kjo kërkesë është legjitime, ndaj duhet diskutuar me drejtuesit për ndërhyrjen e mundshme në legjislacion.Kjo deklaratë e ministrit të Drejtësisë ngre mjaft pikëpyetje lidhur me transparencën e kësaj kërkesë, që gjasat janë të jetë e orkestruar nga vet qeveria.
“Po, prokurorët e SPAK kanë kërkuar të mos ketë kufizim të mandatit të tyre. Ne e kemi marrë kërkesën, ky përcaktim është i fiksuar në kushtetutë, nëse do duhet të ulet me drejtuesit do të ketë ndërhyrje në Kushtetutë. Ata janë prokurorë, sot janë në SPAK, nesër do jenë sërish prokurorë. Kërkesa e tyre në vlerësimin tim është legjitime, është cështje që pret, jemi të hapur për ta diskutuar.”, tha Manja.
Ulsi Manja është parë i afërt me zv.prokurorin e SPAK, Altin Duman.Vetëm një ditë përpara se ky i fundit të kandidonte për postin e kreut të SPAK, u fotografua me ministrin e Drejtësisë teksa darkonin, duke krijuar dyshime të mëdha mbi funksionimin e pavarur të kësaj strukture.
Aktualisht Kushtetuta përcakton që mandati i prokurorit të kësaj strukture dhe hetuesve të BKH-së është 9-vjeçar, pa të drejtë rizgjedhje. Por ky kufizim sipas SPAK sjell disa pasoja negative në funksionimin e kësaj strukture. SPAK argumentoi se afrimi i mbarimit të mandatit të prokurorit, e bën këtë të fundit të mos jetë rezultativ në punën e tij, por të mendojë në lidhje me atë që do bëjë pasi ti mbarojë mandati.
Discussion about this post