Partia Demokratike duket se do të votojnë pro projektligjit për zgjatjen e mandatit të organeve të Vettingut. Kryedemokrati Lulzim Basha është duke zhvilluar një mbledhje me kryesinë e Grupit Parlamentar të PD ku i ka thënë të pranishmëve për të udhëzuar deputetët që të mbështesin çdo hap për drejtësi pa kompromis.
Kryesia e Grupit të PD-së përbëhet nga 4 nënkryetarët, sekretari i përgjithshëm dhe krerët e komisioneve parlamentare. Ndërkohë, mbledhja e Grupit Parlamentar të PD-së nuk ka nisur ende pasi pritet të përfundojë takimi i mësipërm.
Burimet bëjnë të ditur se Basha ka pasur mbrëmjen e djeshme negociata me zyrtarë të lartë të prezencës së BE dhe SHBA në Tiranë, për të votuar pro zgjatjes së “Vettingut”. Të njëjtat burime bëjnë të ditur se Basha parimisht ka deklaruar se nuk do të bëhet pengesë për drejtësinë. Megjithatë gjithçka pritet të vendoset sot në Kuvend. Ndër të tjera, Basha ka theksuar se dy prej prioriteteve kryesore të saj janë reforma territoriale dhe reforma zgjedhore.
Discussion about this post