Ngërçi për Presidentin në Kosovë/ Kurti: LDK të sjellë 15 nënshkrimet dhe kandidati i tyre të përballet me kandidaten tonë

Kryeministri i Kosovës, njëherësh kreu i LVV-së, Albin Kurti, akuzoi partitë opozitare se me mospjesëmarrje në seancën për zgjedhjen e presidentit po tregojnë se “nuk kanë qëllim tjetër përveç se bllokimit”.

Gjatë konferencës, Kurti u pyet për 15 nënshkrimet e prezantuara një natë më parë nga LDK-ja.

Kreu i LVV-së tha se LDK nuk tregoi se për cilin kandidat të saj për president ishin nënshkrimet, duke shtuar se ato nuk i janë dërguar atij apo shefes së deputetëve të LVV-së, Arbërie Nagavcit.

Ai tha se në letrën e prezantuar nga Lumir Abdixhiku para mediave nuk shkruhej se për çfarë janë mbledhur nënshkrimet, ndonëse paraprakisht LDK-ja kishte thënë se mund të propozonte për presidente ish-kryetaren e shtetit, Vjosa Osmani.

Kurti tha se partia e tij është e gatshme që të shtojë edhe 15 nënshkrimet e nevojshme për aplikim për të propozuarin e LDK-së.

“Ne me mirësinë dhe kënaqësinë më të madhe do t’i pranojmë [nënshkrimet e LDK-së]. Dhe më pastaj, po ta kishim emrin e qartë të LDK-së se për kë bëhet fjalë, unë do të takoja kandidaten Hatixhe Hoxha që të kërkoj të tërhiqej dhe t’i shtojmë edhe 15 të tjerë dhe ta kemi Feride Rushitin dhe një kandidat tjetër. Kështu ka mundur të bëhej”, tha Kurti.

gijotina.com/

Etiketa: Albin Kurti Kryesore1