Gazment Bardhi, Sekretar i Përgjithshëm në PD-në zyrtare, tha se është kundër proceseve farsë dhe të paracaktuara.
Nga studio e Neës24, Bardhi tha se demokratëve duhet ti ofrojmë një model të rid he jo ato modele që ne themi se duhet të distancohemi, por në fakt me vepra i kopjojmë.
Referuar procesit të zgjedhjes të kryetarit të ri, Bardhi tha se përderisa kudo thuhet se Lulzim Basha është fitues, kjo do të thotë se nuk kemi një garë, por kemi një proces farsë.
“Unë nuk e di se kush fiton më 29 korrik, por di që ky është një proces anti-statutor, anti-ligjor dhe ajo që ne kemi kërkuar është që të shmangim një tjetër proces ligjor, që do të deligjitimonte lidershipin e ri”, tha Bardhi.
Deputeti demokrat tha se PD nuk ka luksin të humbasë asnjë anëtar dhe jo më faktorët e saj politikë, ndërsa shtoi se nëse deri më tani Edi Rama i ka fituar zgjedhjet duke dalë me dajre, në 2025 s’do ketë nevojë as për atë.
Discussion about this post