Deputeti demokrat Bledion Nallbati ka paralajmëruar nisjen e hapave ligjorë dhe statutorë kundër procesit anti-ligjor, sikundër e konssideron shumica e grupit parlamentar të PD-së, zgjedhjen e kryetarit të kësaj partie në 29 korrik.
Në një intervistë për Euroneës, Nallbati tha se deputetët që nuk ishin pjesë e mbledhjes së Këshillit Kombëtar, nuk do e njohin procesin zgjedhor, dhe do të përdorin çdo hapësirë ligjore dhe statutore.
“Nëse vazhdon në mënyrë të njëanshme, nuk e njohim dhe nuk jemi pjesë e tij. Procese organizoj edhe unë në shtëpinë time po të dua, antistatutorë. Nuk mund të punojmë me dy standarde, nëse pranojmë këtë proces të njëanshëm, do të duhet të njohim edhe grupimin e Berishës, se po ndodh e njëjta gjë. Shpresoj të ketë një reflektim, se me një proces antistatutor nuk biem dakord. Do ndjekim rrugën ligjore për ta anuluar këtë proces”, tha deputeti demokrat.
Nallbati ishte një nga deputetët demokratë që u kërcënua dhe u sulmua nga militantë që mbështesnin grupimin brenda kryesisë së PD-së së vulës, që kërkonin zgjedhjen me urgjencë të kryetarit të kësaj partie.
Në garën e hapur nga ky grupim janë regjistruar si kandidatë Lulzim Basha dhe Gjergj Hani.
Discussion about this post